(1) كوكوكو هذا من غريب الديكة لا علم لنا به

****
وبهذا الصياح الحكيم يا معشر الدجا...يا معشر الساخرين..نحب أن نستهل صفحتنا هذه
صفحتنا التي حرصنا على تقديمها في أفسح خم على الإطلاق...لكي تكون مقصد كل كتكوت خرج من بيضته في حينه
حيث سنقسم الكتاكيت إلى إناث وذكور..أما الإناث فسنعلمها كيفية النقيق على الوجه الدقيق
وأما الذكور- وبموجب مبدأ المساواة- فسنعلمهم أيضا كيفية النقيق على أسهل طريق
وقولوا معي
بق بق بق بق بقيـــــــــــ ـــــــــقو
يحكى في قديم الزمان أن مجموعة من الساخرين أرادوا البحث عن تعريف خاص بهم فذهبوا عند الفسلفوس "ديــك أرت"
الفسلفوس ده كان مريض بالوسواس وبيشك فكل حاجة...شك في أمه وشك في أبوه فعمل لهم مشاكل وطلقهم من بعض وشك في مراتو وطلقها وشك في ابنو ورماه في الملجأ..شك في ايدو قطعها..شك في الجوع فشبع وشك في الشبع فجاع..وشك في عقله وتجنن وشك في جنونه فتعقل...
استخدم كل شكوكه لايجاد تعريف ملائم للساخرين..وبما أن الساخر مواطن منتوف الريش ومش عايز يطير هو بس عايز يعيش...قام المفكر قايل بحكمة الكوجيطو المشهور بتاعه"أنا ساخر إذن أنا دجاجة"
أما وقد نجحتم في فهم الدروس الخصوصية
اسمحوا لي أن ندخل استراحة نتعرف فيها على القمح الذي يمكن تقديمه لأمثالنا نحن معشر الدجاج لكي نحصل على أكبر بيضة في الألم
القمحة من نوع" أبويا صفعني ب ايدو" ممكن تخليك تبيض لنا بيضة فيها كتكوت بيقول " اوعى يا بويا تكون تألمت"
القمحة من نوع" الأستاذ مراتو طردتو من البيت فجه يفش خنقتو عليا "دي ممكن تخليك تبيض بيضة قد كورة السلة- وما تسألنيش ازاي هتبيضها- فيها كتكوت زي القطقوط الصغنن كان عاوز يقول" مياو" بس الأستاذ قال لو" اخرس "
القمحة من نوع" الوزير والبرلمان ومجلس الشعب وكده" ممكن تخليك تبيض بيضة بس مش باينة للأسف عشان القمح بتاعهم بيزرعوه عالورق وبيحصدوه بالكلام وبس...وبيض يا عم بيض...عشان سيادة الوزير يلاقي حاجة يفطر بيها !!
والقمحة بتاعت" الريس واوعى حد يكون سمعني"...فده يا عم لازم تكون البيضة بتاعتك قد هرم خوفو..ويا خوفي منه يا خوفي...هنجيب الواد أبو الهول ويا للهول يا للهول لما يحضن عليها شوية سنوات عشان تتدفأ
وبعدين لما تفقس هنلاقي فيها ديناصور لما عرف ان أبوه عربي انتحر